पुणे, दि. 29 ऑक्टोबर 2025 :महाराष्ट्र प्रदेश काँग्रेस कमिटीने जाहीर केलेल्या आदेशानुसार श्री श्रीरंग एकनाथ चव्हाण (ता. हवेली, जि. पुणे) यांची पुणे ग्रामीण जिल्हा काँग्रेस कमिटीच्या प्रभारी अध्यक्षपदी नियुक्ती करण्यात आली आहे.
ही नियुक्ती मा. प्रदेशाध्यक्ष श्री. हर्षवर्धन सपकाळ यांच्या आदेशानुसार करण्यात आली असून, यासंदर्भातील अधिकृत पत्र महाराष्ट्र प्रदेश काँग्रेस कमिटीचे वरिष्ठ उपाध्यक्ष अॅड. गणेश पाटील यांनी जारी केले आहे.
पक्षाच्या ग्रामीण संघटन बळकटीकरणाच्या उद्देशाने करण्यात आलेली ही नियुक्ती अत्यंत महत्त्वाची मानली जात आहे. नव्या जबाबदारीनंतर श्रीरंग चव्हाण यांनी काँग्रेस कार्यकर्त्यांच्या अपेक्षा पूर्ण करत संघटन अधिक सशक्त करण्याचा निर्धार व्यक्त केला आहे.
याप्रसंगी वरिष्ठ नेत्यांनी त्यांचे अभिनंदन करत पुढील कार्यासाठी शुभेच्छा दिल्या आहेत.
पक्षाच्या स्थानिक व जिल्हास्तरीय कार्यकर्त्यांमध्ये या निर्णयाचे स्वागत करण्यात आले असून, चव्हाण यांच्या नेतृत्वाखाली पुणे ग्रामीण काँग्रेसला नवे बळ मिळेल, असा विश्वास व्यक्त केला जात आहे.
No comments:
Post a Comment