वाशिम :राष्ट्रीय महाकाल सेनेच्या वाशिम जिल्ह्याच्या वतीने जिल्हा अध्यक्ष मा. केदार जोशी यांच्या पुढाकाराने व मार्गदर्शनाखाली एक सामाजिक व धार्मिक उपक्रम राबविण्यात आला.
या उपक्रमाअंतर्गत राष्ट्रीय महाकाल सेनेचे संस्थापक परम पूज्य श्री श्री 1008 दिगंबर कुशाल भारती जी बापू तसेच राष्ट्रीय महाकाल सेनेचे पुणे जिल्हा अध्यक्ष गुरुवर्य प्रकाश भाऊ शिंदे यांच्या वाढदिवसानिमित्ताने वाशिम येथील गोशाळेमध्ये जाऊन गोमातेला चारा वाटप कार्यक्रम मोठ्या भक्तिभावाने पार पडला.
या पवित्र प्रसंगी गोलू भोंडणे, अभी अवचार, तन्मय मते, काना खत्री, प्रथमेश भगत, ऋतुराज खडसे यांसह अनेक पदाधिकारी, कार्यकर्ते व श्रद्धावान उपस्थित होते.
गोसेवा हा भारतीय संस्कृतीचा आत्मा असल्याचे प्रतिपादन करत उपस्थित मान्यवरांनी बापूंच्या व शिंदे गुरुवर्यांच्या वाढदिवसानिमित्त अशा सामाजिक उपक्रमांद्वारे समाजसेवेचा संदेश देण्याचे आवाहन केले.
या उपक्रमाचे आयोजन व यशस्वी नियोजन राष्ट्रीय महाकाल सेना वाशिम जिल्हा टीमने केले.
No comments:
Post a Comment