बारामती तालुक्यातील सांगवी परिसरात पुन्हा एकदा गांजाविक्रीचे सावट निर्माण झाले आहे. काही दिवसांपूर्वी गांजा विक्रीप्रकरणी अटक होऊन जेलमध्ये गेलेला आरोपी सुटताच पुन्हा सक्रिय झाल्याची माहिती समोर आली आहे.
यामुळे नागरिकांमध्ये प्रश्न निर्माण झाला आहे की —
“गुन्हेगार जेलमधून सुटताच पुन्हा बेकायदेशीर धंद्यात कसा उतरतो?”
“पोलीस यावर नियंत्रण आणणार का?”
स्थानिक सूत्रांकडून मिळालेल्या माहितीनुसार, संबंधित व्यक्तीने अलीकडच्या काळात गुपचूपपणे गांजा विक्रीचे व्यवहार सुरू केले आहेत. त्यामुळे गावकऱ्यांमध्ये भीतीचे व नाराजीचे वातावरण निर्माण झाले आहे.
गेल्या काही महिन्यांपूर्वी याच व्यक्तीविरुद्ध बारामती तालुका पोलीस ठाण्यात गुन्हा दाखल होऊन अटक करण्यात आली होती. मात्र, न्यायालयातून सुटल्यानंतर त्याने पुन्हा अवैध धंद्याचा मार्ग पकडल्याचे बोलले जात आहे.
यामुळे गावकऱ्यांकडून प्रश्न उपस्थित केला जातोय की,
“अशा गुन्हेगारांवर देखरेख का ठेवली जात नाही?”
“पोलीस प्रशासन यावेळी ठोस कारवाई करेल का?”
दरम्यान, स्थानिक पोलिसांकडून या प्रकरणी प्राथमिक तपास सुरू असल्याचे समजते. लवकरच पुन्हा कठोर कारवाई होण्याची शक्यता वर्तवली जात आहे.
No comments:
Post a Comment