महावितरण कंपनीने चोवीस तासाच्या आत बसवला ट्रांसफार्मर

मुख्यसंपादक -: अमित बगाडे 

वागजवाडी गावच्या सरपंच निकिता आवळे यांच्या पाठपुराव्या मुळे जलद गतीने बसला  ट्रांसफार्मर

 भोर : भोर तालुक्यातील वागजवाडी गावांमधील ट्रांसफार्मर रविवारी सकाळी नऊ वाजता जळाला असल्यामुळे .वागजवाडी. राऊतवाडी. गावाचा वीजपुरवठा खंडित झाला होता.

पण वागजवाडी गावच्या जनतेतून निवड झालेल्या सरपंच निकिता आवाळे यांनी पाठपुरावा करून 24 तासाच्या आत ट्रांसफार्मर बसवून घेतला आहे.

जनतेमधून सरपंच निवडीचा फायद वागजवाडी गावाला झालेला पहायला मिळाला आहे .

भोर तालुक्यातील वागजवाडी . राऊतवाडी . व गाव कुसा बाहेर वसलेल्या वस्तीवरील लोक पाठीवर सकाळ डोकीवर दुपार आणि समोर संध्याकाळ असे काळ चक्र करून जीवन जगताना पाहायला मिळत होते .

मोसमी पाऊस जरी कमी प्रमाणात पडत असला तरी गावामधील नागरिक शेती मध्ये पेरणी करण्यासाठी मग्न झाले होते . त्यात रविवारी अचानक गावाला विध्युत पुरवठा करणारा ट्रान्सफर्मर जळाला असल्याने गावामधील विध्युत पुरावठा खंडित झाला होता.

या मुळे गावाला भर पाऊसात पिण्याच्या पाण्याचा तुटवडा होऊन गाव अंधारात राहणार असा संपूर्ण गावातील जनतेचा ठाम विचार झाला होता .

पण गावच्या नवनिर्वाचित जनतेतून निवडून आलेल्या सरपंच निकिता आवाळे यांनी किकवी एम एस ई बी कार्यालयातील लायन मन कपील येवले वायरमन अमोल पाटणे यांच्या सहकार्यातून एम एस ई बी कार्यालय सासवड येथील कुलकर्णी साहेब भागवत साहेब यांच्या कडे जलद गतीने ट्रान्सफर्मर बसवण्याची मागणी केली.

आणि या मागणीला चोवीस तासाच्या आत एम एस ई बी कंपनीने ट्रान्सफर्मर बसवून गावचा विध्युत पुरवठा पूर्ववत केला.

या मुळे गावातील नागरिक सरपंच निकिता आवाळे यांचे कौतुक करत असून महावितरण कंपनीचे आभार मानले आहे.

स्त्री रुग्णालयास मिळाले नवीन वैद्यकीय अधीक्षक -: डॉ.अशोक हुबेकर यांनी स्वीकारला पदभार

मुख्यसंपादक -: अमित बगाडे 

नेकनूर (प्रतिनिधी)जिल्ह्यातील स्त्री रुग्णालयाचा वैद्यकीय अधीक्षक पदाचा  पदभार हा कुटीर रुग्णालयाच्या अधीक्षक डॉ अशिलक शिंदे यांच्या कडे होता.

त्यामुळे गेल्या अनेक दिवसांपासून रिक्त असलेल्या स्त्री रुग्णालयाला अखेर डॉ.अशोक हूबेकर यांच्या रूपाने  वैद्यकीय अधीक्षक लाभले असून त्यांनी काल पदभार स्वीकारला यावेळेस त्यांचा सत्कार करण्यात आला.

यावेळी उपस्थित युवा नेते रवी काळे,महादेव लोमटे,पत्रकार तुळजीराम शिंदे,अशोक शिंदे,सुरेश रोकडे,संभाजी भोसले, जगदीश शिंदे,महेश खाकरे,मयूर लोमटे , मोराळे मॅडम आदी उपस्थित होते.

बारामती शहर व एमआयडीसी परिसरामध्ये कमिशन एजंट चा सुळसुळाट !

 बारामती -: बारामती शहर व एमआयडीसी परिसरात शिक्षणासाठी तसेच नोकरीसाठी बारामती मध्ये वास्तव्य करण्यासाठी येतात त्या अनुषंगाने त्यांना राहण्यासाठी1bhk,2bhk, तसेच बंगलो, रोहाऊस रेंट वर  पाहिजे असता त्यांच्या या अडचणीचा फायदा घेत कमिशन एजंट त्या ग्राहकांची लूटमार करीत आहे ते फ्लॅट तर देतात परंतु पहिले भाडे पूर्ण कमिशन म्हणून घेतात.

त्या ग्राहकांचे असे म्हणणे आहे की तुम्ही तुमची एक रजिस्टर फी घ्या. या कमिशन एजंट चे कुठे रजिस्टर असते  का? आपण हॉटेलमध्ये गेलो तर जीएसटी भरतो यांना जीएसटी बसतो का? यांची कुठे नोंदणी आहे का?  परंतु अशाप्रकारे अडवणूक करतात  व ग्राहकांची लुटमार  होत आहे परंतु कमिशन एजंट हे जबरदस्ती त्यांच्याकडून पहिले भाडे घेतात अशा प्रकारच्या एक ना अनेक तक्रारी ग्राहक उपभोक्ता संरक्षण समिती यांना प्राप्त झालेला असून.ही ग्राहकांची लुटमार थांबवण्यासाठी संबंधित बारामती शहर पोलीस स्टेशन तसेच बारामती तालुका पोलीस स्टेशन तसेच पुणे ग्रामीण पोलीस कार्यालयास बारामती शहरातील व एमआयडीसी भागातील कमिशन एजंट वरती कायदेशीर कारवाई करण्यात यावी अशी मागणी  करण्यात आलेले असून  तसेच ऑनलाईन मेलद्वारे तक्रार दाखल केली आहे .

ज्या ग्राहकांची अशाप्रकारे कमिशन एजंट लूटमार करत असेल तर ती लुटमार थांबवण्यासाठी ग्राहक उपभोक्ता संरक्षण समितीशी संपर्क 7888127878 या नंबर वर संपर्क साधा असे आव्हान ग्राहक उपभोक्ता संरक्षण समितीचे पश्चिम महाराष्ट्र सचिव यांनी केले आहे. बारामती शहरात ग्राहकांची लूटमार होत असेल तर त्यांची लुटमार थांबवण्यासाठी ग्राहक उपभोक्ता संरक्षण समिती कटिबद्ध आहे.

आझादी का अमृत महोत्सव समारंभाचा भाग म्हणून उद्या देशातील सर्व जिल्हयात सर्व सार्वजनिक बँकांचा पतवितरण माहिती कार्यक्रम

 आझादी का अमृत महोत्सव कार्यक्रमाचा भाग म्हणून देशभरातील सर्व सार्वजनिक बँका, सर्व जिल्हयात, उद्या म्हणजेच 8 जून 2022 रोजी व्यापक पत वितरण माहिती कार्यक्रम राबवणार आहेत. या अंतर्गत, सर्व ग्राहक आणि संबंधितांना पतविषयक सुविधांची माहिती देत, त्यांच्या शंकांचे निरसन केले जाणार आहे. तसेच विविढ सरकारी योजनांसाठी लाभार्थी नागरीकांची नोंदणीही केली जाईल. या जिल्हयास्तरीय कार्यक्रमाचे संयोजन सर्व सार्वजनिक बँका आणि राज्य स्तरीय बँकर्स समित्या करतील.

केंद्रीय वित्त मंत्रालय सध्या आझादी का अमृत महोत्सव अंतर्गत, 6 ते

12 जून या काळात, आयकॉनिक वीक साजरा करत आहे. या सप्ताहाच शुभारंभ, नवी दिल्लीत विज्ञान भवन इथे पंतप्रधानांच्या उपस्थितीत झाला.

या राज्यस्तरीय कार्यक्रमाच्या माध्यमातून, आझादी का अमृत महोत्सव कार्यक्रम देशाच्या सर्व भागात घेऊन जाण्याचा उद्देश आहे, जेणेकरुन जास्तीत जास्त कर्मचारी आणि ग्राहक यात सहभागी होऊ शकतील. सर्व राज्यस्तरीय बँक समित्या पतविषयक योजनांची माहिती देण्याविषयीचे कार्यक्रम आयोजित करतील. तसेच, प्रधानमंत्री जीवनज्योती बिमा योजना (PMJJBY), प्रधानमंत्री सुरक्षा बिमा योजना (PMSBY)आणि अटल पेन्शन योजना (APY), अशा योजनांसाठी लाभार्थी नागरिकांची नोंदणी करतील. त्याशिवाय, ग्राहक जनजागृती आणि वित्तीय साक्षरता तसेच विविध बँकांच्या शाखांनी केलेले कार्य, याचा आढावाही यावेळी घेतला जाईल.

पर्यावरण रक्षणासाठी लोक चळवळ उभारण्याचे उपराष्ट्रपतींचे आवाहन

 

कार्यकारी संपादक- मधुकर बनसोडे 

हवामान बदलाचा प्रभाव कमी करण्यासाठी सक्षम धोरणांच्या बरोबरीने  जनतेने सामूहिक कृती करण्याचे आवाहन उपराष्ट्रपती एम.वेंकय्या नायडू यांनी आज केले. पर्यावरण रक्षणासाठी लोकचळवळ उभारण्याची गरज आहे असे ते म्हणाले.

घटती जैवविविधता आणि वातावरणात वाढत्या प्रमाणातील घडत असलेल्या गंभीर घटना यांचे प्रमाण कमी करण्यासाठी गांभीर्यपूर्ण आत्मपरीक्षण आणि खंबीर कृती करण्याचे आवाहन करत नायडू म्हणाले, “आपला हा ग्रह वाचविणे ही केवळ सरकारची जबाबदारी नाही तर हे प्रत्येक नागरिकाचे आणि पृथ्वीवरील प्रत्येक मानवाचे कर्तव्य आहे.”

मोहाली येथील चंदीगड विद्यापीठात पर्यावरणीय विविधता आणि पर्यावरणीय न्यायशास्त्र या विषयांवरील आंतरराष्ट्रीय परिषदेचे उद्घाटन करताना उपराष्ट्रपती बोलत होते. यावेळी उपस्थितांना संबोधित करताना त्यांनी हवामानविषयक कृती करण्यात भारत नेहमीच जगात आघाडीवर असतो यावर भर दिला. ग्लासगो येथे नुकत्याच पार पडलेल्या कॉप 26 शिखर परिषदेत पंतप्रधान नरेंद्र मोदी यांनी निश्चित केलेली महत्त्वाकांक्षी राष्ट्रीय उद्दिष्ट्ये पूर्ण करण्याप्रती भारताच्या वचनबद्धतेचा त्यांनी पुनरुच्चार केला.

लहान वयापासूनच विद्यार्थ्यांना त्यांच्या जीवनशैलीच्या निवडीमुळे निर्माण होणारी कार्बन आणि पर्यावरणीय पदचिन्हे यांची जाणीव करून द्यायला हवी. पालक आणि शिक्षकांनी मुलांना त्यांच्या सभोवतालच्या भौतिक वातावरणासारखीच त्यांच्या नैसर्गिक #environmentची- त्यांच्या अवतीभवती असलेल्या पशु-पक्षी जगताची काळजी घेण्याची शिकवण द्यायला हवी. 

गेल्या अनेक वर्षांपासून पर्यावरणीय न्यायाची बाजू राखल्याबद्दल भारताच्या सर्वोच्च कायदाव्यवस्थेचे कौतुक करून उपराष्ट्रपती म्हणाले, “निम्न स्तरावरील न्यायालयांनी देखील पर्यावरणकेन्द्री दृष्टीकोन स्वीकारायला हवा आणि त्यांच्या न्यायदानात स्थानिक जनता आणि जैवविविधता यांचे हितरक्षण होईल याची काळजी घ्यावी.” पर्यावरण विषयक कायद्यांचे उल्लंघन करणाऱ्यांविरुद्ध कठोर कारवाई आणि ‘प्रदूषण करणाऱ्याने  त्याची किंमत चुकवावायला हवी ’ या तत्वाची कडक अंमलबजावणी केली गेली पाहिजे असे ते म्हणाले.

चंदीगड विद्यापीठात पर्यावरणीय विविधता आणि पर्यावरणीय न्यायतत्वशास्त्र या विषयांवरील आंतरराष्ट्रीय परिषदेचे आज उद्घाटन करताना उपराष्ट्रपती एम.वेंकय्या नायडू.

भारताचा हरित ऊर्जा उपक्रम साकार करण्यासाठी केंद्रीय गृहमंत्रालय आणि भारतीय सौरउर्जा महामंडळ मर्यादीत यांच्यादरम्यान सामंजस्य करार

 

मुख्य संपादक - अमित बगाडे 

केंद्रीय गृहमंत्री अमित शाह यांच्या मार्गदर्शनाखाली, गृह मंत्रालयाने केंद्रीय सशस्त्र पोलीस दल (सीएपीएफ) आणि राष्ट्रीय सुरक्षा रक्षक (एनएसजी) यांच्या अखत्यारितील परिसरात सौर ऊर्जा पॅनेल बसवण्याचे ठरवले आहे. त्यानुसार, केंद्रीय गृह सचिव आणि नवीकरणीय उर्जा सचिव यांच्या उपस्थितीत नवी दिल्ली येथे गृह मंत्रालय (एमएचए) आणि भारतीय सौरउर्जा महामंडळ मर्यादीत (सीईसीआय) यांच्यात 6 मे रोजी सामंजस्य करारावर स्वाक्षरी करण्यात आली. या सामंजस्य करारानुसार छतावरील सौर पॅनेल, पीव्ही पॉवर प्रकल्पांची दोन्ही मंत्रालये संयुक्तपणे उभारणी करतील.

कार्बन नियंत्रित अर्थव्यवस्थेकडे वाटचाल करून अपारंपारीक ऊर्जेला चालना देण्याच्या केन्द्र सरकारच्या प्रयत्नांच्या दिशेने टाकलेले हे एक पाऊल आहे.

उपलब्ध माहीतीच्या आधारे भारतीय सौरउर्जा महामंडळ मर्यादीतने (सीईसीआय) उपलब्ध डेटाच्या आधारे, सीएपीएफ आणि एनएसजीच्या परीसरात एकूण 71.68 मेगावॅट क्षमतेची सौर ऊर्जा निर्माण करण्याच्या क्षमतेचा अंदाज बांधला आहे. सीईसीआय, सौर उर्जा प्रकल्पांच्या क्षेत्रात कौशल्य असलेले, थेट किंवा संस्थाद्वारे किंवा स्पर्धात्मक बोली प्रक्रियेद्वारे निवडलेल्या संस्थेद्वारे, छतावरील सौर पीव्ही ऊर्जा प्रकल्पांच्या अंमलबजावणीसाठी गृहमंत्रालयाला सहकार्य करेल.

भारतात 100 व्या युनिकॉर्नचा उदय

 

मुख्य संपादक - अमित बगाडे

  भारतातील 100 युनिकॉर्नचे एकूण मूल्य 332.7 अब्ज अमेरिकी डॉलर्स

वर्ष 2022 च्या पहिल्या चार महिन्यांत भारतात 14 युनिकॉर्न उद्योगांचा उदय झाला

भारतातील युनिकॉर्न उद्योगांची लाट नव्या उंचीवर पोहोचली असून, 2 मे 2022 रोजी देशात 100 व्या युनिकॉर्नने जन्म घेतला आहे. आज जागतिक पातळीवरील दर 10 युनिकॉर्न उद्योगांपैकी 1 उद्योग भारतात जन्मलेला आहे.

केंद्रीय वाणिज्य आणि उद्योग, ग्राहक व्यवहार, अन्न आणि सार्वजनिक वितरण तसेच वस्त्रोद्योग मंत्री पीयूष गोयल यांनी भारताची ही कामगिरी त्यांच्या ट्विटमधून ठळकपणे सर्वांसमोर ठेवली आहे.

भारतातील स्टार्ट अप परिसंस्था म्हणजे युनिकॉर्नच्या संख्येच्या बाबतीत जगात तिसऱ्या क्रमांकावर असणारी परिसंस्था ही 5 मे 2022 रोजी प्राप्त माहितीनुसार एकूण 332.7 अब्ज अमेरिकी डॉलर्स मूल्याच्या 100 युनिकॉर्न उद्योगांची जननी आहे अशी माहिती त्यांनी दिली.

केंद्रीय मंत्री गोयल म्हणाले की, वर्ष 2021 मध्ये भारतातील युनिकॉर्न उद्योगांच्या संख्येत मोठी उसळी दिसून आली. या वर्षभरात एकंदर 93 अब्ज अमेरिकी डॉलर्स मूल्याच्या एकूण 44 स्टार्ट अप उद्योगांनी युनिकॉर्न प्रकारात स्थान मिळविले.

वर्ष 2022 च्या पहिल्या चार महिन्यांत भारतात 18.9 अब्ज मूल्य असलेल्या 14 युनिकॉर्न उद्योगांचा उदय झाला आहे.

भारतातील युनिकॉर्न उद्योगांच्या संख्येने शतकाचा मोठा पल्ला ओलांडलेला असतानाच, देशांतर्गत स्टार्ट अप परिसंस्थेने  स्वावलंबन आणि स्वत्व टिकविण्याच्या दिशेने प्रगती करण्याची मोहीम पूर्वीप्रमाणेच पुढे सुरु ठेवली आहे. आत्मनिर्भर भारताची संकल्पना स्टार्ट अप परिसंस्थेमध्ये खोलवर रुजली असून येत्या काळात ती आपली वाटचाल अशीच पुढे सुरु ठेवेल असा विश्वास गोयल यांनी व्यक्त केला.